កម្ពុជាត្រៀមខ្លួនរួចជាស្រេចក្នុងការប្រែក្លាយជាមជ្ឈមណ្ឌលប្រមូលផ្តុំសកម្មភាពផលិតគ្រឿង-បង្គំយានយន្ត។ ដោយមានទីតាំងយុទ្ធសាស្ត្រនៅចំកណ្តាលតំបន់អាស៊ីអាគ្នេយ៍បូករួមទាំងកម្លាំង ពលកម្មវ័យក្មេងនិងស្វាហាប់ និងកិច្ចព្រមព្រៀងពាណិជ្ជកម្មដែលមានភាពអនុគ្រោះសម្រាប់ការនាំចេញទៅទីផ្សារសំខាន់ៗ
$
B+
+
K+
បេតិកភណ្ឌវប្បធម៌ដ៏ល្បីលើពិភពលោករបស់ប្រទេសកម្ពុជា ដូចជាប្រាសាទអង្គរវត្ត និងទេសភាពធម្មជាតិដ៏សម្បូរបែបបានបន្តទាក់ទាញភ្ញៀវទេសចររាប់លាននាក់ក្នុងមួយឆ្នាំៗ។ បន្ថែមពីលើភាពទាក់ទាញផ្នែកប្រវត្តិសាស្រ្ត កម្ពុជាផ្តល់នូវសក្តានុពលដ៏ធំសម្បើមសម្រាប់បទពិសោធន៍ទេសចរណ៍ថ្មីៗ រាប់ចាប់ពី ឆ្នេរខ្សាច់សស្អាត និងកោះត្រូពិច រហូតដល់ព្រៃឈើខៀវស្រងាត់ ទឹកជ្រោះ និងជួរភ្នំ។ ការបញ្ចូលគ្នាដ៏សម្បូរបែបនៃធម្មជាតិ និងវប្បធម៌នេះបង្កើតជាសក្តានុពលសម្រាប់ការផលិតផលិតផលទេសចរណ៍ជាច្រើន រួមទាំងទេសចរណ៍ធម្មជាតិ ទេសចរណ៍ផ្សងព្រេង បទពិសោធន៍បេតិកភណ្ឌវប្បធម៌ ទេសចរណ៍បែបសុខុមាលភាព ទេសចរណ៍អាហារ និងទេសចរណ៍កម្សាន្ត។ ការកើនឡើងនៃចំនួនភ្ញៀវទេសចរអន្តរជាតិ និងប្រជាជនដែលមានប្រាក់ចំណូលមធ្យម កំពុងជំរុញតម្រូវការសម្រាប់សេវាកម្មបដិសណ្ឋារកិច្ច និងសេវាកម្មសម្រាប់ជីវិតប្រចាំថ្ងៃ ប្រកបដោយគុណភាព។ ការណ៍នេះបង្ហាញពីកាលានុវត្តភាពក្នុងការវិនិយោគលើសណ្ឋាគារប្រណិតៗ រមណីយដ្ឋានប៊ូទិក បទពិសោធន៍នៃការទទួលទានអាហារបែបប្រណិត កន្លែងកម្សាន្ត សួនទឹក និងការលក់រាយលំដាប់ខ្ពស់ ជាពិសេស ផលិតផលដែលផលិតនៅកម្ពុជា ដែលផ្តល់ជូនវិនិយោគិននូវការផ្សារភ្ជាប់ជាមួយវប្បធម៌ដែលកាន់តែជ្រាលជ្រៅ។ លើសពីនេះ ការកើនឡើងនៃតួនាទីរបស់កម្ពុជាជាម្ចាស់ផ្ទះសម្រាប់ព្រឹត្តិការណ៍សំខាន់ៗក្នុងតំបន់ និងអន្តរជាតិ បង្ហាញពីសក្តានុពលដែលកំពុងរីកចម្រើនសម្រាប់ការវិនិយោគលើវិស័យទេសចរណ៍បែបប្រជុំ សន្និសីទ និងពិព័រណ៍ (ម៉ាយ)។
ដើម្បីគំាទ្រកំណើនប្រកបដោយចីរភាពនៃឧស្សាហកម្មទេសចរណ៍ រាជរដ្ឋាភិបាលកម្ពុជាបានដាក់ចេញនូវការលើកទឹកចិត្ត គោលនយោបាយគាំទ្រ ព្រមទាំងគម្រោងអភិវឌ្ឍន៍ហេដ្ឋារចនាសម្ព័ន្ធនានាជាច្រើន ក្នុងគោលបំណងទាក់ទាញវិនិយោគិននិងភ្ញៀវទេសចរ ដែលរួមមានជាអាទិ៍ ក្របខណ្ឌលើកទឹកចិត្តផ្នែកពន្ធនិងមិនមែនពន្ធដ៏សម្បូរបែប កញ្ចប់ឬកម្មវិធីគាំទ្រនានា ការសម្រួលនីតិវិធីចុះបញ្ជីធុរកិច្ច និងគម្រោងអភិវឌ្ឍន៍ហេដ្ឋារចនាសម្ព័ន្ធ ដូចជា ការធ្វើឱ្យប្រសើរឡើងនិងការពង្រីកបណ្តាញផ្លូវ អាកាសយានដ្ឋាន សេវាទូរគមនាគមន៍ និងមធ្យោបាយទូទាត់ឌីជីថល ជាដើម។ ជាពិសេស ការបិទបញ្ចប់ការសាងសង់អាកាសយានដ្ឋានអន្តរជាតិតេជោ ដែលជាអាកាសយានដ្ឋានលំដាប់ថ្នាក់ 4F ដែលមានផ្ទៃដីសរុប ២.៦០០ ហិកតា នឹងជំរុញវិស័យទេសចរណ៍យ៉ាងខ្លាំង តាមរយៈការបង្កើនការតភ្ជាប់អន្តរជាតិ និងគាំទ្រការវិនិយោគលើបដិសណ្ឋារកិច្ចកម្រិតខ្ពស់, ទេសចរណ៍ម៉ាយ និងបទពិសោធន៍ទេសចរណ៍ក្នុងតំបន់។ ស្របគ្នានេះ រាជរដ្ឋាភិបាលកំពុងជំរុញយុទ្ធសាស្រ្តក្នុងការធ្វើពិពិធកម្មផលិតផលទេសចរណ៍ និងធ្វើឱ្យប្រសើរឡើងនូវបទពិសោធន៍របស់ភ្ញៀវទេសចរណ៍ ក្នុងគោលបំណងលើកទឹកចិត្តឱ្យមានការស្នាក់នៅយូរ និងការចំណាយខ្ពស់នៅស្រុក។